ഗുരുവായൂരില്‍ അഷ്ടമിരോഹിണിയാഘോഷത്തോടനുബന്ധിച്ച്, ബാലഗോകുലത്തിന്റെ ആഭിമുഖ്യത്തില്‍ ഗോപൂജ നടത്തി.ക്ഷേത്രത്തിന് തെക്കുവശം പ്രത്യേകമായി തയ്യാറാക്കിയ ഗോശാലയില്‍ 3 മണിയോടുകൂടി ചടങ്ങുകള്‍ ആരംഭിച്ചു. ക്ഷേത്രം ഓതിയ്ക്കന്‍ മുന്നൂലം നീലകണ്ഠന്‍ നമ്പൂതിരിപ്പാടിന്റെ മുഖ്യകാര്‍മ്മികത്വത്തിലായിരുന്നു ഗോപൂജ. ഏകദേശം 35 പശുക്കള്‍ ഈ ചടങ്ങില്‍ ഉള്‍പ്പെട്ടിരുന്നു. കിഴക്കേനടയില്‍നിന്ന് വാദ്യഘോഷങ്ങളുടെ അകമ്പടിയോടെ പശുക്കളെ ആനയിച്ചു. കഴുത്തില്‍ മഞ്ഞച്ചരടില്‍ കോര്‍ത്ത മണി കെട്ടി. നെറ്റിയില്‍ തിലകം അണിയിച്ചു. ഗോപാലകരെയും ചടങ്ങില്‍ ആദരിയ്ക്കുകയുണ്ടായി.
ഈ ചടങ്ങുകള്‍ക്കുശേഷം രുദ്ര തീര്‍ത്ഥത്തെ പ്രദക്ഷിണം വച്ച്,ഗോക്കളും ഗോപാലകരും ,ഭക്തജനങ്ങളും അടങ്ങുന്ന സംഘം മടങ്ങിയെത്തിയതോടെ ചടങ്ങുകള്‍ പരിസമാപ്തിയിലെത്തി.ക്ഷേത്രം വക വേങ്ങാട് ഗോകുലത്തിലെ പശുക്കളും ചടങ്ങില്‍ പങ്കെടുത്തു.
No comments:
Post a Comment