25 വര്‍ഷങ്ങള്‍ക്കു ശേഷം നടന്‍ മധു വീണ്ടും ഒരു ചിത്രത്തിന്റെ നിര്‍മ്മാതാവാകുന്നു.1986ല്‍ സ്വപ്നസാഗര മൂവീസിന്റെ ബാനറില്‍ പൂര്‍ത്തിയായ ‘ഉദയം പടിഞ്ഞാറ്’ ആയിരുന്നു അദ്ദേഹം ഒടുവില്‍ നിര്‍മ്മിച്ച ഫീച്ചര്‍ ചിത്രം. ഉമ ആര്‍ട്സിന്റെ ബാനറില്‍ ഒരുങ്ങിയ ‘രതിലയം’ ചിത്രവും. 2001ല്‍ മധു നിര്‍മ്മിച്ച കുട്ടികളുടെ ചിത്രം ‘മിനി’ ആ വര്‍ഷത്തെ മികച്ച കുട്ടികളുടെ ചിത്രത്തിനുള്ള ദേശീയ അവാര്‍ഡ് നേടിയിരുന്നു.മധുവിനെ നായകനാക്കി ഏറ്റവും കൂടുതല്‍ ചിത്രങ്ങള്‍ സംവിധാനം ചെയ്ത് റെക്കോഡിട്ട പി.ചന്ദ്രകുമാറായിരുന്നു ‘മിനി’യുടേയും സംവിധായകന്‍.ഇവര്‍ വീണ്ടും ഒന്നിയ്ക്കുകയാണ്.
തമിഴിലാണ് ഇവരുടെ പുതിയ കാല്‍‌വയ്പ്. ഉമ ആര്‍ട്സിന്റെ ബാനറില്‍ മധു നിര്‍മ്മിയ്ക്കുന്ന ‘എന്‍ അന്‍പേ’ എന്ന ചിത്രമാണ് പി.ചന്ദ്രകുമാര്‍ സംവിധാനം ചെയ്യുന്നത്. മധു തമിഴില്‍ നിര്‍മ്മിയ്ക്കുന്ന ആദ്യ ചിത്രം കൂടിയാണ് ‘എന്‍ അന്‍പേ’.
രചന-മണിരണിധരന്‍.താമരയുടെ വരികള്‍ക്ക് കൃഷ്ണജ്യോതി സംഗീതസംവിധാനം നിര്‍വ്വഹിയ്ക്കുന്നു.
ഛായാഗ്രഹണം- വി.ആര്‍ .ജഗന്ത്.
പ്രകാശ് രാജ്, ചാരുഹാസന്‍, വിവേക്, മുകുന്ദന്‍, ശരണ്യ, സുകുമാരി, മനോരമ, കോവൈ സരള, ജെയിന്‍ റാണിയ തുടങ്ങിയവരാണ് ചിത്രത്തിലെ പ്രധാന താരങ്ങള്‍ .
No comments:
Post a Comment