ഗുരുവായൂരിലെ സുരക്ഷ വിലയിരുത്താന്‍ എ.ഡി.ജി.പി രാജേഷ് ദിവാന്‍,ഐ.ജി.,ബി.സന്ധ്യ എന്നിവരടങ്ങിയ ഉന്നതോദ്യോഗസ്ഥര്‍ ഗുരുവായൂരിലെത്തി.ഗുരുവായൂരിലെ ദര്‍ശനത്തിനുള്ള ക്യൂ സിസ്റ്റം പരിഷ്കരിയ്ക്കാനും ധാരണയായിട്ടുണ്ട്.കിഴക്കേ ഗോപുരനട വഴി പ്രവേശിയ്ക്കുന്നവര്‍ ദര്‍ശനത്തിനുശേഷം പടിഞ്ഞാറേനടയിലൂടെ പുറത്തുപോകണം. സുരക്ഷാപരിശോധനകള്‍ ഭക്തര്‍ക്ക് ബുദ്ധിമുട്ടില്ലാത്ത രീതിയിലാവണം നടത്തേണ്ടതെന്ന് നിര്‍ദ്ദേശമുണ്ടായി.
തീപ്പിടുത്തമടക്കമുള്ള അത്യാഹിതങ്ങള്‍ ഒഴിവാക്കാന്‍ വേണ്ട നടപടികള്‍ സ്വീകരിയ്ക്കാന്‍ വേണ്ട നിര്‍ദ്ദേശങ്ങളും എ.ഡി.ജി.പി നല്‍കി.ക്ഷേത്രം അഗ്നിബാധയ്ക്കിരയായപ്പോള്‍ ഡ്യൂട്ടിയില്‍ ഉണ്ടായിരുന്ന വാച്ച്മാന്‍ ശ്രീ.ഗോപാലകൃഷ്ണന്‍ നായരോട് എ.ഡി.ജി.പി. അഭിപ്രായങ്ങള്‍ ആരാഞ്ഞു.കത്താനുണ്ടായ സാഹചര്യങ്ങളെക്കുറിച്ചും അപകടം ഒഴിവാക്കിയ രീതികളെക്കുറിച്ചും അദ്ദേഹം വിലയിരുത്തലുകള്‍ നടത്തി.
സ്വാതന്ത്ര്യദിനത്തോടനുബന്ധിച്ച് കൂടുതല്‍ പോലീസിനെ ക്ഷേത്രനഗരിയില്‍ വിന്യസിയ്ക്കാനും സായുധപോലീസിനെ 24 മണിക്കൂറും ക്ഷേത്രപരിസരത്ത് നിലനിര്‍ത്താനും എ.ഡി.ജി.പി.നിര്‍ദ്ദേശിച്ചു.
No comments:
Post a Comment